Skip to main content

Best Online Astrology Services

Vedic astrology services || Horoscope Reading || Kundli Analysis || Birth Chart Calculation || Pitru Dosha Remedies || Love Life Reading || Solution of Health Issues in jyotish || Career Reading || Kalsarp Dosha Analysis and remedies || Grahan Dosha solutions || black magic analysis and solutions || Best Gems Stone Suggestions || Rashifal || Predictions || Best astrologer || vedic jyotish || Online jyotish || Phone astrology ||

Kale Jadu Ka Tod In Hindi

kala jadu kya hai Hindi mai, kaise pehchane kale jadu ko, kaise door kar sakte hain kale jadu ke prabhav ko, diwali ki ratri mai kaale jadu se suraksha ke upaay, kin par hota hai kala jadu.

Kala Jadu apne aap mai ek bhayawah shabd hai, jisse ki log sadharan rup se darte hi hai aur jahir si baat hai, jis cheej se nuksaan ho usse darnaa vajib hai. Is article main aapko is baat ki jaankari di jaayegi hindi mai ki aakhir main kala jadu kya hai aur isse bachne ke upaay kya ho sakte hain.

kala jadu ko kaise khatm kare
Kale Jadu Ka Tod In Hindi

Roj kai logo ne mujhe hindi mai is vishay mai prakaash daalne ke liye kaha hai isi karan mai pahli baar astroshree.in mai is rahasya ko hindi mai bata raha hu ki kaise jaane ki kala jadu ka prabhaav ghar par pad raha hai ya fir vyapaar mai ya fir kisi parichit pe aur kis prakaar hum isse bach sakte hai.

Aaj ka daur jabardast rup se pratiyogitaa ka hai jo ki achhi baat hai kyunki competition mai kaam achhe hote hai parantu jab yahi cheej galat bhaavnaa se ki jaati hai to vyakti safaltaa ke liye galat raaste ko apnaane se bhii nahi dartaa aur bas yahi se kaale jaadu karne wale logo ki jarurat aan padti hai.
Black magic Remedies

Kya Hai Kala Jaadu?

Vigyan ke do paksh hote hai - ek achha aur ek bura. kala jadu adrishya vigyaan ka nakaratmak roop hai.
kala jadu ek prakaar se mantra vigyaan kaa, tantra vigyaan ka galat istemaal hai. jab koi tantra, mantra, yantra ka istemaal galat kaaryo ke liye kartaa hai to wo kala jadu hota hai parantu ismai ek aur important baat bhi hai ki galat kaaryo ko karne ke liye jin mantro ka prayog hota hai wo bhi devik nahi hote hai. kale jadu ke liye jo mantra prayog mai aate hai aajkal ve sab bhoot, pret ya anya kisi shaktiyo ke hote hai jinko nakaratmak shakti ko pujne waale siddha karke galat istemaal karte hain.

Jaahir se baat hai ki aise log is kriya ka prinaam nahi jaante hai. jis prakaar agni se sheetaltaa ki apeksha nahi kar sakte hai usi prakaar kaali shaktiyo se hum achhai ki ummeed nahi kar sakte aur wo bhi us samay jab hum usi se galat kaarya karwaane ke liye kriyaaye kar rahe ho.

Atah sabhi logo ko saawdhaan rahne ki jarurat hai ki dhokhe mai aake kisi galat shakti ko na puje.
Mai ye bhi batana chahungaa ki aise kai logo ne mujhe call karke bataya hai ki kis prakaar galat tantra prayog karke unhone apne jivan ko barbaad kiya hai. Shuru mai ye sab bahut achha lagtaa hai kyunki manmafik kaarya hota hua dikhtaa hai parantu aane wale samay mai ye cheeje sab kuch khatm kar dete hai.

हिंदी में पढ़िए black magic symptoms in hindi

Aaiye Jaante Hai Ki Kya Bhogtaa Hai Vyakti Kaale Jadu Ke Prabhaav Mai Aakar:

Kala jadu dekha jaaye to sahi karya karne ke liye to kiya nahi jata atah parinaam bhi iske bhayanak hi najar aate hai. Lambe samay se jo anubhav mujhe pata chala hai logo se baatcheet karke wo mai yaha par likh raha hu.
  1. Logo ke gharo mai akasmaat mrityu hone lagti hai bina bimaari ke, bina kisi tarkik karano ke.
  2. Vyapaar bandh ka prayog jab hota hai tab chaltaa hua vyapaar bhi ruk jata hai aur karan samaj nahi ata hai.
  3. Jab Uchhatan ka prayog hota hai tab vyakti ko uski apni jagah se hi ghabrahat hone lagti hai aur wo waha se jana chahta hai.
  4. Ye bhi dekha gaya hai ki kala jadu ke prabhaav se pati aur patni ke sambandh bhi kharaab ho jate hai. Achha chaltaa hua relation bhi talaak tak pahuch jata hai.
  5. Kai baar jis par prayog hota hai wo ajeebo garib harkate karta hai aur utara karne par sahi vyawhar karne lagtaa hai.
  6. Kai logo ke sharir se buri gandh nikalne lagti hai jaise ki shamshaan se aati ho ya mal, mutra aadi se aati ho.
  7. Kai baar shaant vyakti bhi ugra vyavhaar karne lagtaa hai kyunki koi aur shakti uske upar haavi ho rahi hoti hai.
  8. Shikar vyakti ko bure sapne bhi aane lagte hain jismai wo apne aapko sapo se daste hue pata hai, girte hue pata hai, galat jagho par jaate hue aur faste hue dekhtaa hai.
  9. Khaane mai lagataar baal ana bhi nakaratmak urrjaa ko darshata hai.
  10. Shikar vyakti ko pure sharir mai jalan bhi mahsoos hoti hai.
  11. Kai baar ek achha sudrud vyakti bhi dull jaisa behave karne lagtaa hai.
  12. Jab kisi istri par kaala jadu ka prabhaav padtaa hai to kuch aur bhi cheeje dekhne ko milti hai jaise baal kholke ajeebo garib harkate karnaa, Maasik dharm mai gadbadi ho jana.
  13. Kai baar bimaari bhi pakad mai nahi aati hai , saare test karne ke baad bhi doctor ko bimaari pakad mai nahi aati. Aisa kai baar dekha hai maine ki jab kisi ki bimari pakad mai na aa rahi ho to shaktishaali utara karwane par wo bimaari pakad mai aane lagti hai, dawaaiyaa asar karne lagti hai.
  14. Kuch logo ko humesha kisi ke saath rahne ka ahsaas bhi hota hai.
  15. Jab putli tantra ka prayog hota hai tab shikaar vyakti ko sui chubhne ka ahsaas ho saktaa hai, jalne ka ahsaas ho saktaa hai, kisi ang ko lakwa maar saktaa hai aadi.
  16. Kuch logo ke gharo mai to apne aap aag bhi lag jati hai jaha taha.
  17. Kuch Log jhaadu jaise sukh jaate hai.
Aaj ke is digital yug mai kuch logo ko kala-jadu andh-vishwaas lagtaa hai parantu jo isko bhogte hai unko hi pata hota hai ki ye kitnaa ghaatak hota hai. Ismai sabse badi baat ye hai ki ye dikhtaa nahi hai isiliye isko saabit karnaa mushkil hota hai parantu anubhav bataate hai ki aisa aaj ke is yug mai bhi sambhav hai aur isse bachaav ke upaay karne chahiye.

Aaaiye Ab Jaante Hai Ki Kab Kab Hume Saawdhaan Rahne Ki Jarurat hai:

Sadharan rup se har amavasya, navratri, diwali ki raatri mai nakaratmak shaktiyo ka prayog karne waale badi asaani se vidyaao ka galat istemaal kar lete hai atah ye jaruri hai ki hum saawdhaan rahe in dino.

Kin Logo Par Kala Jadu Ka Asar Jaldi Hota Hai:

Mere jivan mai jitne case aaye hai unki study karne ke baad mujhe pata chaltaa hai ki Nimn logo par nakaratmak urjaa ka asar jaldi Padtaa hai-
  • Jin logo ke kundli mai grahan yog rahtaa hai.
  • Jinka lagn bahut kamjor hota hai.
  • Jinka chandra bal bahut kamjor hota hai.
  • Jo log maas, madira aur par stri gaman mai rat rahte hai.
  • Jinka gan rakshas hota hai.
  • Jinka atmvishwaas bahut kamjor hota hai.
Iske alawa kuch aur exceptional isithitiyo mai bhi kala jadu ka asar hote hue dekha gaya hai.

Kaise Kare Kale Jadu Se Bachaav:

Sabse pehle kuch cheejo ka dhyan rakhke hum apne aapko aur apne ghar, parivaar ko nakaratmak urjaa se bacha ke rakh sakte hai jaise-
  1. kabhi bhi amavasya ko dusro ke saath bahar non veg ka sewan na kare, daaru ka sewan na kare.
  2. Bad chadkar kabhi bhi apni ya apni vastuo ka bakhaan na kare.
  3. Har Amavasyaa ko apne ghar par pavitra jal ka chidkaaw karna chahiye isht mantra ka jap karte hue.
  4. Kisi achhe jyotish ko dikha karke suraksha kawach dharan karnaa chahiye.
  5. Ghar ko surakshit karne ke liye suraksha yantra main entrance par laga dena chahiye.
  6. Kuch vastuo ko abhimantrik karke agar main entrance mai jameen mai gaad diya jaaye to bhi ghar mai buri cheeje pravesh nahi karti hai jo ki achhe jyotish se paramarsh le ke prayog karnaa chahiye.
  7. Kuch yantra ko siddha karwake ghar mai isthapit karwana chahiye jaise Siddh Hanuman yantra, siddha durga yantra, siddha kali yantra aadi.

Mera aisa bhi anubhav hai ki kai baar kuch sanket hume aisa bataate hai ki kala jadu hai parantu vastav mai us samay graho ke karan bhi ho jata hai atah kisi bhi natije mai pahuchne se pehle pura analysis karwa lena thik rahtaa hai. Kai baar graho ki dushprabhaav se bhi vyakti aneko samasyaao mai ghir jata hai to us samay anya prakaar ke upaayo se bhi laabh hota hai.

Agar koi pareshaani mai hai to sabse pehle ye dhyaan rakhne wali baat hai ki hataash na ho, dhairya na khoye aur apne devi devtaa par ya jisko aap pujte hai us par vishwaas rakhe. Dheere dheere raaste dikhne lagenge ki kya karnaa chahiye.

Diwali mai bhi kaale jadu se bachaaw ke liye kai upaay kiye jaate hai, kawach ka nirman hota hai, tabij ban sakta hai atah aap uchit samay par uchit salaahkaar se sampark karke apna hit saadh sakte hai.

Astroshree se bhi aap apne jivan ke samasyaao ka uchit samadhaan prapt kar sakte hai aur apne jivan ko sukhi aur samrudhh bana sakte hai.

kala jadu kya hai Hindi mai, kaise pehchane kale jadu ko, kaise door kar sakte hain kale jadu ke prabhav ko, diwali ki ratri mai kaale jadu se suraksha ke upaay, kin par hota hai kala jadu.

Comments

  1. kripya is link par jaaye aur nirdesho ke hisab se details email kare jisse pura check karke aapko solutions bataya jaa sake ki kyuki kai baar graho ke viprit hone ke karn bhi samasyaaye utpann hoti hai , atah proper analysis ke baad hi sahi upaay bata paayenge. http://www.astroshree.in/p/contact-us-and-payment.html

    ReplyDelete
  2. Bahat hi acha advice hai logo ke liye jo v likhey ye unko bahat bahat thanks sub se acha laga appka Note:

    ReplyDelete
  3. Sir mujhe kisi n meri beti k Bal Kate hai... I m very worried.. Kya y kala jadu h... Isse kya ho skta h... Mujhe bachav ka rasta bataiye pls

    ReplyDelete
  4. apne beti ko hanuman mandir se tabij leke pahanwa dijiye, baba ki kripa se kuch nahi hoga.

    ReplyDelete
  5. agar aisa hone ke baad aapke office mai koi problems arise hui hai to definitely aapko kisi jaankar se suraksha kawach aur utara karwana chahiye.
    agar koi problems nahi aai hai to fir koi ghabrane ki jarurat nahi hai.

    ReplyDelete
  6. Sir g, mere ghar me ek aurat hai jo hmesha glass me paani rkhti hain...aur us pani ko fek kr fir paani rkhti h..iska kya mtlb h??

    ReplyDelete
    Replies
    1. kisi vishesh dosh ke nivaran hetu bhi paani ka utara kiya jata hai , ismai paani rakhke use roj feka jata hai , ho sakta hai unhe kisi ne bataya ho. isse koi nuksaan nahi hai atah jyada mat sochiye.....

      Delete
  7. Mere husband par uski bua h jo unke uper totka karva rahi h jis se unki jaan ko bhut khatra h unki family k koi logo ko un hone hi maara h or humare padosi h jo humare ghr k uper totka kar rahe h unki jaan ko bachane k liye mujhe kya karna chahiye

    ReplyDelete
    Replies
    1. aise mai aapko apne husband ki puri details email karnaa chaiye , pura analysis karne ke baad unke liye kya sahi puja hai ya kawach hai bata paayenge. aap contactus page(http://www.astroshree.in/p/contact-us-and-payment.html) par jaaye aur guidelines ke hisab se details email kariye.

      Delete
    2. Sir Mai bahut beemar rahata Hu mujhe koi prob nhi hai bs khana nhi kha pata Hu matali aati hai mera lft cbc and blood test sabkuchh huaa bt doctor karte hai tumhe kuchhbnhi hai agar beemari nhi hai to Mai paresan q rahta Hu Mai bs khana nhi kha pata Hu kuchh bhi khata Hu matali aati hai Mai 1 year se paresan Hu.

      Delete
    3. kai baar graho ke dushprabhaav ke karan bhi health problems picha nahi chodti hai atah aap apni details analysis ke liye email kariye., guidelines contactus page par milega website par.

      Delete
  8. Mene by mistake online tantrik mantra ki 2 line padh liya hai tab SE uneasy feel kar rhi hu me.muje nhi sikhna ye sabin sab SE.koi ulta
    Prabhav to nhi padega Na mujh par

    ReplyDelete
    Replies
    1. sirf ek baar mantra padh lene se kuch prabhav nahi hoga, atah man se sabhi prakaar ke bhay ko nikal dijiye aur shiv aradhna kijiye, shanti milegi.

      Delete
  9. sir mai boht jyada pareshan hu meri faimly mai kuch aisa hua pada hai jo boht jyada ghatak ho sakta hai

    ReplyDelete
    Replies
    1. aapko apna details analysis ke liye bhejna chahiye , iske liye contact us page par jaaye aur nirdesho ke hisab se details email kariye.

      Delete
  10. gangaajal ka chirkaw krke hum apne ghr ko pavitra kr skte h isse bhi to kala jadu khatm hoga na

    ReplyDelete
  11. gangajal bhi pavitra jal hai aur iske chidkaaw se bhi kuch had tak nakaratmak urjaao se mukti sambhav hai. aap iska chidkaaw lagatar 40 dino tak kare.

    ReplyDelete
  12. hello sir mera naam sukhwinder hai mai italy mai rehta hu shadi shuda hu par abhi bi hmare ghar mai sntaan nahi hui hai iska karan yeh hai ki kisi ne meri wife ki kokh bandh di hai koi chahta hai ke hmare ghar mai baccia na ho mai bus yeh puchna chahta hu ke hum kya kar sakte hai koi upaye btaiye mere upar bhi kisi ne kuch kiya hai mera karobaar bhi nahi chal raha hai mai kya karu....!

    ReplyDelete
  13. Guru ji pranam karta hu aapko.. Guru ji mare sath bahut ajeeb ho ra hai much samay se ..mujhe aisa lagta hai koi mujhe maarna Chatham ho.. Or is hi vajha se meri padai b chut gyi hai kisi bhi kaam mai Mann nahi lagta mera dil zorzror de dhadkta hai... Jb that se Babar nikalta hu to aisa lagta hai har aadmi mare hi baare mai baat kar ra hai.. Mann me bahut negative thought's uthte hai.. Bahut dukhi hu guru ji mai

    ReplyDelete
    Replies
    1. jyotishiy samadhaan ke liye apna details email kare,pura check karke aapka samadhan de paayenge.

      Delete

Post a Comment

Follow On Facebook

Featured Post

 Astrology consultation, astrologer contact, contacts number of jyotish, email of vedic astrologer. Are you seeking valuable guidance from Professional Astrologer for your life's journey, relationships, career prospects, or personal growth? Look no further! Contacting an experienced and knowledgeable astrologer can provide you with profound insights and guidance to navigate life's uncertainties and make informed decisions. Astrologer Fees Per Person: Services Pricing Per Person Horoscope Reading 1100 INR or $21 Match Making For Marriage 1500 INR or $30 Black Magic Analysis & Remedies 2100 INR or $30 Love Compatibility Reading 1500 INR or $30 Numerology Reading Service 2100 INR or $30 Palm Reading Service 1100 INR or $21 Vastu Consultancy 5100 INR or $81 Child Birth Consultancy 1800 INR or $30 Pay Securely

Popular posts from this blog

Hindi Alphabets and Zodiac Sign | Raashi Akshar

Hindi Alphabets and Zodiac Sign | Raashi Akshar,  Astrologer for solutions of all problems. Want to know your zodiac sign, Want to know how you are affected by raashi or zodiac sign then this article will help you. In vedic astrology with the first letter of alphabet we decide the raashi or zodiac sign. In whole the life person  has the impact of this zodiac sign. Here i am giving the list of alphabets and the related zodiac sign. Rashi se sambandhit akshar 1. Zodiac Sign: Aries or मेष Alphabets of Aries Or Mesha: चू , चे , चो , ला , ली , लू , लो , अ 2. Zodiac Sign: Taurus or वृषभ Alphabets of Taurus or Vrishabh : इ, उ , ए , ओ , वा , वी , वू , वे , वो 3.Zodiac Sign: Gemini or मिथुन Alphabets of Gemini or Mithun: का, की, कु , के, को, घ , ड़ , छ , हा Contact Astrologer For True Guidance>> 4.Zodiac Sign: Cancer or कर्क Alphabets of Cancer or Karka: ही, हू , हे , हो, डा,डी , डू , डे , डो 5.Zodiac Sign: Leo or सिंह Alphabets of Leo or Singh: मा , मी, म

Moles Astrology

Moles astrology, what are moles?, power of Moles, Types of Moles, How to predict destiny with moles?, Best moles astrology, Know about your moles, Revealing Personality through moles. Generally there are no person in this world who has no mole in body. The moles in our body tells many things about our personality, nature, destiny etc. Different types of things are known by studying the moles in body parts. It is a subject of "saamudrik shaastra". Moles Astrology In this article we will see how moles are used to study the personality of a person as per astrology. Through Moles astrology we will be able to find many positive and negative impacts of our own personality. But before reaching to any conclusion it is good to consult any experienced astrologer . Because things may be changed as per the positions of planets in horoscope. Read about moles showing bad luck . What are moles? It is a small round mark present in different part of body. In astrology it is use